راحت اندوری کے انتقال پر پاپولر میرٹھی کا اظہار افسوس

راحت اندوری کے انتقال سے اردو دنیا ہی نہیں بلکہ پورے عالم میں ایک خلاء سا پیدا ہو گیا ہے جس كو تا عمر پر نہیں کیا جا سکتا ہے۔

عالمی شہرت یافتہ شاعر راحت اندوری کے انتقال کی خبر کے بعد اردو دنیا میں غم کا ماحول ہے۔ 70 برس کے شاعر راحت اندوری کے انتقال سے میرٹھ میں بھی ان کے ساتھی شاعر پاپولر میرٹھی دکھی ہیں۔

پاپولر کے مطابق راحت اندوری کے انتقال سے اردو دنیا ہی نہیں بلکہ پورے عالم میں ایک خلاء سا پیدا ہو گیا ہے جس كو تا عمر پر نہیں کیا جا سکتا ہے۔

پاپولر میرٹھی نے کہا کہ 45 سال کے طویل عرصے تک ان کے ساتھ مشاعرہ پڑھنے کا موقع ملا۔ انہوں نے کہا کہ بھارت اور بھارت کے باہر مختلف ممالک میں ان کے ساتھ مشاعرہ میں جاتا تھا۔ لوگ انہیں سننے کے لئے پوری رات بیٹھے رہتے تھے۔ انہوں نے کہا کہ راحت اندوری کسی بھی مشاعرے کے لئے کامیابی کی ضمانت ہوا کرتے تھے۔ وہ پوری دنیا میں بہت مقبول شاعر تھے۔

واضح ہو کہ راحت اندوری نے اپنی شاعری کے ذریعے سماج میں نفرت کے ماحول كو ختم کرنے اور ملک میں امن کے ماحول كو بنائے رکھنے کی کوشش کی ہے۔ ظالم كو للکارنے اور مظلوموں کو حوصلہ دینے والی شاعری کرنے والے شاعر راحت اندوری کے انتقال پر نہ صرف بھارت بلکہ پوری دنیا میں لوگ سوگوار ہیں۔