نوئیڈا: اتر پردہش کے نوئیڈا کی جیور اسمبلی سیٹ سے بہوجن سماج وادی پارٹی کے امیدوار نریندر بھاٹی BSP candidate from Noida's jewar Assembly seat Narendra Bhatti نے کہا ہے کہ نوئیڈا میں ترقیاتی کام بی ایس پی کے دور اقتدار میں ہوا ہے۔ اس کے بعد کی حکومتیں کوئی ایسا کام نہیں کر سکیں جن کا ذکر کیا جائے۔ اگر بی ایس پی کی حکومت بنتی ہے تو نوئیڈا دوبارہ ترقی کی راہ پر گامزن ہو جائے گا۔
پرچہ نامزدگی کے بعد انہوں نے کہا کہ بے روزگاری دور کرنے کا کام کیا جائے گا اور کسانوں کے مسائل ترجیحی بنیادوں پر حل کئے جائیں گے۔ عوامی نمائندے نوجوانوں کے لئے کچھ بھی نہیں کر سکے۔ بی جے پی کے رکن اسمبلی نے دنکور بلاک کو ختم کیا ہم دوبارہ دنکور کو بلاک بنائیں گے۔
یوپی میں 10 فروری کو اسمبلی انتخابات ہیں۔ پہلے مرحلے میں گوتم بدھ نگر کی تینوں اسمبلی سیٹوں کے لیے 10 فروری کو انتخابات ہونے ہیں۔
یہ بھی پڑھیں: Annu Khan Filed Nomination Paper Dadri: دادری اسمبلی حلقہ سے انو خان نے پرچۂ نامزدگی داخل کیا
جیور اسمبلی سیٹ سے بی ایس پی کے امیدوار نریندر بھاٹی سب سے تعلیم یافتہ امیدوار ہیں۔ انہوں نے بی اے-ایل ایل بی اور ایم بی اے کی تعلیم حاصل کی ہے۔ اس کے علاوہ نریندر بھاٹی نے صحافت بھی کی، اس کے بعد انہوں نے سیاست میں قدم رکھا۔
جیور کے موجودہ ایم ایل اے دھیندر سنگھ پوسٹ گریجویٹ ہیں جبکہ آر ایل ڈی کے اوتار بھڈانہ آٹھویں پاس ہیں۔
