میرٹھ: گیارہ کانسٹیبلز کو نئے سال کا تحفہ

ضلع میرٹھ میں کانسٹیبل کے عہدے پر فائز تقریبا گیارہ سپاہیوں کو نئے سال کے موقع پر ترقی دیتے ہوئے ہیڈ کانسٹیبل بنا دیا گیا ہے۔ نئے سال پر انہیں ترقی دے کر محکمہ نے انہیں بہترین تحفہ دیا ہے جس سے سپاہیوں کے چہرے خوشی سے کِھل گئے ہیں۔

ریاست اترپردیس کے ضلع میرٹھ میں نئے سال کے موقع پر آج کانسٹیبل کے عہدے پر تعینات تقریبا 11 کانسٹیبل کو ترقی دیتے ہوئے انہیں ہیڈ کانسٹیبل کے عہدے پر فائز کیا گیا ہے۔

اس موقع پر محکمہ پولیس کے اعلی افسران نے انہیں مبارکباد دیتے ہوئے، محنت اور ایمانداری کے ساتھ اپنے فرائض انجام دینے کی ہدایت بھی دی۔

نئے سال پر ہیڈ کانسٹیبل کے اعزاز سے نوازے گئے تمام کانسٹیبل نے خوشی کا اظہار کرتے ہوئے اپنے فرائض کو بحسن خوبی انجام دینے کا وعدہ بھی کیا ہے۔