آل انڈیا مجلس اتحاد المسلمین کے سربراہ اسدالدین اویسی کا بیان جس میں انہوں نے کہا تھا کہ بی جے پی گوڈسے کے راستے پر چل رہی ہے، اس لیے ماب لنچنگ ہورہی ہے۔
اویسی کے بیان پر ردعمل کا اظہار کرتے ہوئے میرٹھ میں بی جے پی رکن اسمبلی سنگیت سوم نے کہا کہ بی جے پی گوڈسے کے راستے پر چل رہی یا نہیں لیکن اویسی یقینی طور پر جناح کے راستے پر چل رہے ہیں۔
انھوں نے کہا کہ جناح نے ملک کو جس طرح سے تقسیم کیا تھا اویسی بھی اسی راہ پر چل کرکے ملک کو تقسیم کرنے کی کوشش میں لگے ہوئے ہیں اور وہ ایسے کام کرتے ہیں جو فطری طور پر لوگوں کو مشتعل کرتے ہیں لیکن یوپی میں ان کا فارمولا کام نہیں کرے گا۔
یہ بھی پڑھیں: 'مسلم سماج کو شک کی نظروں سے نہیں دیکھنا چاہئے': مایاوتی
سنگیت سوم نے اویسی کی تنقید کرتے ہوئے کہا کہ یوپی میں اویسی مذہبی سیاست کرکے مسلمانوں کو مشتعل کرنا بند کریں کیونکہ یہ حیدرآباد نہیں ہے، بی جے پی ایم ایل اے نے یہاں تک کہہ دیا کہ بھارت میں رہنے والا ہر شہری ہندو ہے یہاں کوئی مسلمان نہیں ہے اور یہ ایجنڈا ہمارا شروع سے ہی ہے اور آگے بھی رہے گا۔
