کورونا وائرس کے سبب یوپی مدرسہ بورڈ نے بھی دسویں اور بارہویں جماعت کے امتحانات کو منسوخ کرنے کا فیصلہ کیا تھا لیکن طلبا کو آگے کی کلاسز میں داخلہ کے لیے ان کے نتائج کو جاری کرنے کی کیا صورت ہوگی، اس کے لیے حکومت کی جانب سے ابھی تک کوئی گائڈ لائن جاری نہیں کی گئی ہے۔
حکومت کی جانب سے طلبا کو پروموٹ کیے جانے سے متعلق کوئی رہنما اصول جاری نہ ہونے کی وجہ سے منتظمین مدارس اور طلبا کے سامنے مشکل حالات پیدا ہوگئے ہیں۔
ریاست اترپردیش کے ضلع میرٹھ میں یوپی مدرسہ بورڈ سے منسلک تقریباً تین مدارس میں یوپی مدرسہ بورڈ کا نظام قائم کیا گیا ہے اور ان میں سینکڑوں کی تعداد میں طالب علم زیر تعلیم ہیں۔
کورونا وائرس کے سبب امتحانات کو منسوخ کیے جانے کے بعد اب مدرسہ بورڈ کے ذمہ داران حکومت کی جانب سے مدارس کے لیے نئی گائڈ لائنس کا انتظار کررہے ہیں۔
خاص طور پر پرائیویٹ طلبا کو پروموٹ کرنے کے لیے حکومت کیا صورت اختیار کرتی ہے یہ سب حکومت کے فیصلے پر ہی منحصر ہے، فی الحال مدرسہ منتظمین اور طلبا کے سامنے آگے کی راہیں مشکل ہیں۔
یہ بھی پڑھیں: جے ای ای مین کے تیسرے مرحلے کے 20 جولائی اور چوتھے مرحلے کے امتحان 27 جولائی سے
یوپی حکومت کی جانب سے دسویں اور بارہویں جماعت کے طلبا کو پروموٹ کیے جانے کے فیصلے کے متعلق کوئی گائڈ لائن جاری نہ ہونے سے جہاں مدرسہ منتظمین کی پریشانیاں بڑھ گئی ہیں وہیں پرائیویٹ امتحانات میں شامل ہونے والے طلبا کے لیے بھی حکومت کو جلد کوئی فیصلہ لینا ہوگا۔ تاکہ ان کی آگے کی راہیں آسان ہوسکیں۔
