میرٹھ میں تھانا لساڑی گیٹ علاقے کے ہاپوڑ روڈ پر سڑک کنارے ہاتھوں میں تختیاں لیکر اپنے والد کے قاتلوں کی گرفتاری کی مانگ کر رہے معصوم بچے یوگی حکومت سے گہار لگا رہے ہیں۔
اپنے شوہر کو کھونے کے بعد اب اپنے بچوں کی جان بچانے کی فکر ہے۔ زبیر انصاری کی بیوہ کو ڈر ہے کہ زبیر کے قاتل آج تک پولیس کی گرفت سے باہر ہیں۔ مہلوکین کے اہل خانہ کا کہنا کہ یوگی حکومت قاتلوں کو 24 گھنٹے کے اندر گرفتاری کا دعویٰ کرتی ہے، لیکن زبیر کے قتل کو 40 دن گزر چکے ہیں لیکن قاتل آج بھی پولیس کی گرفت سے باہر ہے۔ ان کا مزید کہنا ہے جب تک زبیر کے قاتل گرفتار نہیں ہوں گے ان کا احتجاج جاری رہے گا۔
مزید پڑھیں:
سپیرا برادی نے تبدیلی مذہب کی دھمکی دی
مجلس اتحاد المسلمین کے کارپوریٹر زبیر انصاری کے قاتلوں کی گرفتاری کی مانگ کولیکر پارٹی کارکنان پہلے سے مطالبہ کرتے آرہے ہیں۔ ایسے میں اب اہل خانہ کے احتجاج سے پولیس پر ملزمان کی جلد گرفتاری کا دباؤ بنانے کی کوشش جاری ہے تاکہ مہلوکین کے اہل خانہ کو انصاف مل سکے۔
