متھرا: اترپردیش کے ضلع متھرا میں شری کرشن جنم استھان اور شاہی مسجد عیدگاہ کی سیکورٹی میں مزید اضافے کا عندیہ دیا ہے۔ اسٹینڈنگ کمیٹی کی میٹنگ میں حصہ لینے یہاں پہنچے ایڈیشنل ڈائرکٹر جنرل آف پولیس(سیکورٹی) ونود کمار سنگھ نے منگل کو دونوں مذہبی مقامات کی سیکورٹی انتظامات کا باریکی سے جائزہ لیا اور یہ ملاقات وقتاً فوقتاً دونوں عبادت گاہوں، شری کرشنا جنم استھان اور شاہی مسجد عیدگاہ کے سیکورٹی انتظامات کا جائزہ لینے کے لیے کی جاتی ہے Decision to increase security at religious places in Uttar Pradesh۔
میڈیا نمائندوں کے سوالات کے جوابات دیتے ہوئے اے ڈی جی سیکورٹی نے موجودہ سیکورٹی انتظامات پر اطمینان کا اظہار کیا اور کہا کہ ضلع میں ڈی ایم اور ایس ایس پی کا تجربہ بھی سیکورٹی کے بہتر انتظامات کی ایک وجہ ہے، تاہم وہ کھلے ذہن سے ہر پہلو پر کمیٹی کے ساتھ من تھن کررہے ہیں۔
مزید پڑھیں:
انہوں نے کہا کہ اگرچہ یہاں کے حفاظتی نظام کو حکومت نے منظور کیا ہے لیکن اگر ضرورت پڑی تو امن و امان کے نقطہ نظر سے اور سماج دشمن عناصر کی جانب سے کسی بھی قسم کی واردات کے امکان کو مدنظر رکھتے ہوئے اس میں تبدیلیاں کی جائیں گی۔
(یو این آئی)
