ریاست اتر پردیش کے بارہ بنکی کے آنند وہار انٹر کالج میں یوم اطفال حقوقِ تحفظ کے موقع پر مشن شکتی کے تحت مختلف تقاریب کا انعقاد کیا گیا۔ سب سے پہلے یہاں صنفی مساوات میں تعلیم کے کردار کے موضوع پر مصوری مقابلے کا انعقاد کیا گیا۔ اس کے بعد حقوق اطفال پر مباحثہ کے ذریعہ طلبہ کو ان کے حقوق کے تئیں بیدار کیا گیا۔
دونوں مقابلوں میں طلبا نے جی کھول کر اپنے ہنر کا مظاہرہ کیا۔ صنفی مساوات کے موضوع پر تمام طلبا نے دلکش پینٹنگ بنا کر اپنی بیداری کا ثبوت پیش کیا۔
اس کے بعد پولیس، چائیلڈ لائن، اسکول، ون اسٹاپ سینٹر سمیت مختلف سماجی تنظیموں کے دانشوران کے ساتھ طلبا نے مباحثہ کیا۔ مباحثہ کے دورمیان اپنے حقوق کے تئیں طلبا میں بیداری کم نظر آئی، لیکن تمام ذمہ داران کے بتانے پر وہ مختلف مسائل کو سمجھ سکے اور طلبا کے حقوق کے متعلق بیدار ہوئے۔
طلبا کو یہ پروگرام کافی پسند آیا، وہیں وہاں موجود دانشوروں کا ماننا ہے کہ حقوق اطفال کے تئیں بیداری کے لئے ابھی اور بھی کام کرنے کی ضرورت ہے۔ انہوں نے کہا کہ ایسے پروگرام سے بیداری تو ضروری آئے گی لیکن ابھی اس سمت حکومتوں کو اور بھی کام کرنا ہوگا۔
