مظفر نگر: گئوکشی کے الزام میں 4 گرفتار

ریاست اتر پردیش کے ضلع مظفر نگر کے تھانہ چرتھاول پولیس اور چند بدمعاشوں کے مابین تصادم ہوا جس کے بعد پولیس نے 4 افراد کو گرفتار کر لیا۔

مظفر نگر پولیس نے گئو کشی کی خفیہ اطلاع پر دادھیدو گاؤں کے جنگل میں چھاپے مارا جس کے بعد گئو کشوں نے پولیس پر فائرنگ کر کے فرار ہونے کوشش کی۔

پولیس اور بدمعاشوں کے مابین تصادم میں پولیس نے 4 افراد کو گرفتار کر لیا جبکہ دو افراد فرار ہونے میں کامیاب ہوگئے ہیں۔

پولیس نے گرفتار شدگان کے قبضے سے 2دیسی طمنچے، 6 کارتوس، 70کلو گائے کا گوشت اور دیگر دوسرے ہتھیار برآمد کئے ہیں