مشن شکتی کے تحت ضلع بارہ بنکی میں مختلف پروگرامز منعقد کئے جا رہے ہیں۔ اسی کے پیش نظر قائدانہ صلاحیت پیدا کرنے اور محکمہ کی تمام اسکیموں اور محکمے کی کارکردگی کو سمجھانے کے مقصد سے ضلع کی منتخب خواتین چیمپئن نیلما ورما کو پروبیشن افسر، ہائی اسکول کی ٹاپر ویشنوی ورما کو تحفظ اطفال افسر اور ہائی اسکول کی رنر پریا یادو کو خواتین بہبود افسر بنایا گیا۔
بارہ بنکی: مشن شکتی کے تحت ایک روز کے لئے افسر بنی تین لڑکیاں
تینوں افسران نے پورے روز پروبیشن آفس میں آنے والے معاملات کو دیکھا اور انہیں حل بھی کیا۔
تینوں طلبہ نے یہ موقع فراہم کیے جانے کے لئے افسران کا شکریہ ادا کیا۔ انہوں نے کہا کہ اس سے انہیں متعدد اقسام کی معلومات حاصل ہوئی ہیں، جس سے وہ کافی متاثر ہوئیں۔
انہوں نے کہا کہ اس اقدام سے وہ سیول سروسز میں جانے کے لئے مزید راغب ہوئی ہیں۔
