اترپردیش کے ضلع بہرائچ کے سپرنٹندنٹ آف پولیس نے خواتین کے ساتھ آئے دن ہو رہے جرائم کو کنٹرول کرنے کے لئے ایک مہم شروع کی ہے۔ خواتین کی سیکورٹی اور انہیں بیدار کرنے کے لئے اب گاؤں میں خاتون پولیس گشت کرے گی۔
سپرانٹنڈنٹ آف پولیس وپن مشرا نے بتایا کہ ’’خاتون پولیس اب گاؤں میں جاکر خواتین کے درمیان بیٹھ کر ان کو اپنے حق اور قانون کے بارے میں بیدار کریں گے۔ شکایت ملنے پر بیٹ بک میں درج کر کے اس کا تصفیہ کرائیں گی۔ خواتین کے ساتھ ہو رہے مظالم سے ان کو نجات دلائیں گی۔‘‘
انہوں نے خواتین سپاہیوں کو گاؤں میں جاکر گشت کرنے اور ان کے درمیان بیٹھ کر گاؤں کے حالات کو سمجھنے کے ساتھ جرائم کو روکنے کے ہدایات جاری کئے ہیں۔ ’’اب گاؤں میں خاتون پولیس اہلکار عوامی رابطہ قائم کریں گی اور اس میں اضافہ کریں گی۔ عوامی رابطے سے گاؤں کے گرام پردھان، چوکیدار، گرام پنچایت سیکریٹری، آشا بہو، اے این ایم اے ڈیجیٹل والنٹیئرس، محکمہ صحت اور آنگن واڑی کے کارکنوں سے رابطہ قائم کرتے ہوئے گاؤں میں خواتین پر ہو رہے مظالم اور تشدد کے معاملوں کی جانکاری حاصل کرکے انہیں انصاف دلائیں گی۔‘‘
