صابری جھنڈا جلوس، بریلی سے چل کر مرادآباد پہنچا

کلیر میں واقع درگاہ صابر پاک کے عرس کے آغاز کے موقع پر ہر برس کی طرح اس برس بھی صابری جھنڈا جلوس، بریلی سے چل کر مرادآباد پہنچا۔

ریاست اتراکھنڈ کے ضلع ہری دوار کے شہر رورکی کے کلیر میں واقع درگاہ صابر پاک کے عرس کے آغاز کے موقع پر ہر برس کی طرح اس برس بھی صابری جھنڈا جلوس بریلی سے چل کر مرادآباد پہنچا۔ مرادآباد پہنچنے پر خانقاہ ایکتا مشن کے ممبران اور عہد یداران نے صابری جھنڈا جلوس کا استقبال کیا۔

آپ کو بتادیں کہ' یہ صابری جھنڈا جلوس تقریبا 1985 سے مسلسل ہر برس بریلی کی درگاہ ناصر میاں سے چل کر مرادآباد درگاہ سلطان صاحب اور درگاہ حافظ صاحب ہوتا ہوا درگاہ صابر پاک پہنچتا ہے۔

لیکن رواں برس کورونا وائرس وبا کے پیش نظر پولیس انتظامیہ نے اس جھنڈا جلوس کو اجتماعیت کے ساتھ پیدل جانے کی اجازت نہیں دی جس کے سبب یہ جھنڈا جلوس لے کر صرف دس لوگ ہی روانہ ہوئے۔