بی ایڈ فیس کے ضمن میں جاری حکم نامہ کے بارے میں اطلاع دیتے ہوئے اترپردیش کے نائب وزیراعلیٰ ڈاکٹر دنیش شرما نے بتایاکہ 'کووِڈ-19 وبا کے مد نظر ریاستی عوام کی گرتی آمدنی وقومی تعلیمی پالیسی-2020 میں پسماندہ، محروم، غریب طبقہ کے امیدواروں کو پیشہ ورانہ تعلیم کےلئے حوصلہ افزائی کیے جانے پر زور دیا گیا ہے۔
حکومت کا یہ قدم اسی کوشش کی ایک کڑی ہے۔ 24جون 2020 کو جاری سرکاری حکم نامہ کے مطابق نجی شعبہ کے اعلی تعلیمی اداروں میں بی ایڈ کے تعلیمی سیشن-2020-21، 2021-22 اور 2022-23 کے لیے پہلے سال کی فیس 51250 روپے جبکہ دوسرے سال کی فیس 30000 روپے مقرر و مختص کی گئی تھی۔
