لکھیم پور تشدد کے مرکزی ملزم اور وزیر مملکت برائے داخلہ اجے مشرا ٹینی کے بیٹے آشیش مشرا کو یوپی پولیس نے بارہ گھنٹے کی لمبی پوچھ تاچھ کے بعد ہفتہ کی دیر رات کو گرفتار کے بعد مجسٹریٹ کے سامنے پیش کیا گیا، جنہوں نے تین دن کی عدالتی تحوال میں جیل بھیج دیا ہے۔
اس معاملے کی سماعت سموار کو گیارہ بجے ہوگی۔ ان کے اوپر 302،304 اے، 147، 148، 149، 279 اور 120بی سمیت کئی مقدمے درج کیے گئے ہیں۔
دراصل انہیں 8 اکتوبر کو پیش کیا جانا تھا، لیکن آشیش وقت پر عدالت نہیں پہنچا اور پولیس ان کا انتظار کرتی رہی۔ دوسری طرف سپریم کورٹ نے بھی اس مسئلے سے متعلق یوپی حکومت اور پولیس کی کارروائی پر سوالات اٹھائے تھے۔ بالآخر آشیش مشرا پولیس کے سامنے پیش ہوئے۔
مزید پڑھیں: لکھیم پور تشدد معاملہ: سپریم کورٹ نے یوپی حکومت کی سخت سرزنش کی
دختران ملت کی سربراہ آسیہ اندرابی سمیت 9 افراد پر فرد جرم عائد
واضح رہے کہ ضلع لکھیم پور کھیری میں نائب وزیراعلی کے خلاف احتجاج کرنے آئے کسانوں پر مرکزی وزیر مملکت برائے داخلہ کے بیٹے آشیش مشرا اور ان کے حامیوں نے گاڑی چڑھا دی۔ اس دوران 8 افراد ہلاک ہو گئے، حالانکہ بعد میں کسانوں نے ان گاڑیوں میں آگ لگا دی تھی۔
جمعہ کو سپریم کورٹ میں لکھیم پور کھیری معاملہ کی سماعت ہوئی، سماعت کے دوران عدالت نے یوپی حکومت کی سخت سرزنش کی، اب کیس کی اگلی سماعت 20 اکتوبر کو ہوگی۔
