ریاست اترپردیش کے ضلع بارہ بنکی میں یوم یونانی کے موقع پر ایک پریس کانفرنس کا انعقاد کیا گیا۔
کانفرنس میں ضلع کے تمام یونانی ڈاکٹرز نے شرکت کی اور یونانی کے چیلینجز اور اس کے فروغ کے لئے مزید تبادلہ خیال کیا گیا۔
اس موقع پر وزیراعظم نریندرمودی سے 'یوم یوگ' کی طرح اقوام متحدہ میں یوم یونانی کا بھی مطالبہ کیا گیا۔
بارہ بنکی کے ضلع پنچایت کے آڈٹوریم میں منعقداس تقریب میں بارہ بنکی اور لکھنؤ کے مشہور و معروف یونانی ڈاکٹرز نے شرکت کی۔
تقریب میں آئے ڈاکٹر ضیا الحق نے یوم یونانی کی تاریخ کے بارے میں بتایا کہ یوم یونانی حکیم اجمل کی سالگرہ پر منایا جاتا ہے۔
انہوں نے کہا کہ'یہ دن گزشتہ 4 برسوں سے منایا جا رہا ہے، یونانی کو فروغ دینے کے لئے یونانی میڈکل کاؤنسل کی جانب سے یہاں دو روزہ سیمنار کرایا جا ئیگا۔
پروگرام کے کنوینر ڈاکٹر فاروق نے بتایا کہ حکیم اجمل خاں مجاہد آزادی بھی تھے انہوں نے یونانی کا نام تمام عالم میں روشن کیا۔ اس نسبت سے ہم سب یونانی ڈاکٹرز وزیر اعظم نریندر مودی سے مطالبہ کرتے ہیں کہ 'یوم یوگ' کی طرح اقوام متحدہ میں یوم یونانی منانے کی کوشش کریں۔
مزید پڑھیں:راموجی گروپ کی جانب سے گھروں کی چابیوں کی تقسیم‘ راست
اس تقریب میں شامل بطور مہمان خصوصی ڈاکٹر مقبول خان نے کہا کہ یونانی کا مستقبل بہت روشن ہے۔ اس کو فروغ دینا ضروری ہے،اس کی تشہیر ہو اور اس کے لئے فنڈ کا انتظام کیا جائے۔
انہوں نے دعویٰ کیا کہ یونانی دیگر ماڈرن میڈکل کی صنف کے لئے چیلینچ ہے، ساتھ ہی انہوں نے ایوش کے ذریعہ یونانی کو فروغ دینے کے لئے وزیر اعظم نریندر مودی کی ستائش بھی کی۔
