ریاست اترپردیش کے ضلع بارہ بنکی میں خطرناک سڑک حادثہ اس وقت پیش آیا، جب شاہراہ کے کنارے کھڑے ایک ٹرک کے پیچھلے حصے میں ٹی یو وی جیپ بے قابو ہوکر ٹکرا گئی، جس کی وجہ سے جیپ میں سوار تین افراد کی موقع پر ہی موت ہو گئی ہے۔
ذرائع کے مطابق مسولی تھانہ حلقے کے رسولی میں شاہراہ پر ایک ٹرک کھڑا ہوا تھا، اور دوپہر بعد لکھنؤ سے دیوریہ جا رہی ٹی یو وی جیپ پیچھے سے اس میں ٹکرا گئی.
جس وقت یہ حادثہ پیش آیا اس وقت جیپ میں 5 افراد سوار تھے، جیپ میں سوار پانچ میں سے تین افراد کی موقع پر ہی ہلاک ہو گئے، جائے حادثہ پر پہنچ کر پولیس نے تینوں لاشوں کو پوسٹ مارٹم کے لیے بھیج دیا ہے، جبکہ زخمیوں کو ٹراما سینٹر علاج کے لیے بھیج دیا، اس حادثے میں ہلاک ہوئے تینوں افراد کی شناخت دیوریہ کی نندنی (30) ریشمی گپتا اور ان کے بیٹے ساگر (13) کی موقع پر ہی موت ہوگئی، جبکہ ڈرائیور گری اور پوجا کا علاج اسپتال میں جاری ہے۔
