ریاست اترپردیش کے ضلع ہردوئی میں بار ایسوسی ایشن انتخاب کے تعلق سے تمام وکلاء اپنی اپنی جدوجہد میں مصروف ہیں، لیکن اس انتخاب میں ذات پات پر مبنی سیاست صاف طور سے ظاہر ہورہی ہے۔
بار ایسوسی ایشن انتخاب کے موقع پر کچھ سینیئر وکلاء نے ای ٹی وی بھارت سے گفتگو کرتے ہوئے کہا کہ یہ انتخاب ذات پات اور دھن دولت کی بنیاد پر ہوتا ہے اور جس کے پاس زیادہ دولت ہوتی ہے وہی کامیاب ہوتا ہے اور کم دولت والا شخص پیچھے رہ جاتا ہے۔
انھوں نے مزید کہا کہ دولت کے ساتھ ساتھ اس انتخاب میں ذات پات کا بھی بہت اہم کردار رہتا ہے، لیکن کچھ وکلاء نے اس بات کی تردید بھی کی ہے، لیکن تمام وکلاء ایس بات پر متفق تھے کہ بار ایسوسی ایشن انتخاب میں تمام وکلاء کو وکیل کی حیثیت سے ہی انتخاب لڑنا چاہیے۔
پارلیمانی اور اسمبلی انتخابات میں جہاں رائے دہندگان کو ذات پات سے بالاتر ہوکر اپنے حق رائے دہی کو استعمال کرنے کا مشورہ دیا جاتا ہے، جبکہ اس کے برعکس اس بار الیکشن میں جس میں کہ امیداور قانون کے ماہر ہوتے ہیں اور رائے دہندگان بھی قانون اور آئین کی معلومات رکھتے ہیں، باوجود اس کے ہردوئی بار ایسوسی ایشن انتخاب میں وکلاء ذات پات جیسی لڑائی میں مصروف ہیں۔
