سوئپ Systematic Voters’ Education and Electoral Participation انتخابی کمیشن کی ایک تنظیم ہے جو انتخابات سے قبل حق رائے دہندگان کو بیدار کرتی ہے۔ کلکٹریٹ کے آڈیٹوریم میں دوشنبے کو نو منتخب سویپ آئیکان سبکدوش میجر اے کے سنگھ، سماجی کارکن امرتا شرما اور دیویانگ ناگیش پٹیل نے سویپ کے لوگو کا اجراء کیا۔
ساتھ ہی اس موقع پر ایک مہر بھی جاری کی گئی جس میں 27 فروری کو ووٹ دینے کی اپیل کی گئی ہے۔ یہ مہر اب تمام حکومتی دستاویزات پر لگائی جائے گی۔
سویپ آئیکان سبکدوش میجر اے کے سنگھ متعدد انعام یافتہ ہیں۔ پہلی دفعہ سیوپ آئیکان بننے پر انہوں نے تمام عوام سے اپنے حق رائے دہی کا استعمال کرنے کی اپیل کی۔
انہوں نے کہا سویپ آئیکان کے طور پر ہمیں ان افراد کو بیدار کرنا ہے جو ووٹ نہیں ڈالتے ہیں اپنی حق رائے دہی کا استعمال نہیں کرتے ہیں۔ یہ وہ لوگ ہیں جو یہ سمجھتے ہیں کہ ان کے اکیلے ووٹ دینے سے کچھ نہیں ہونے والا ہے۔
انہوں نے کہا کہ اگر ایک فوجی یہ سوچ لے تو فوج کیا ہوگا۔ اسلئے تمام عوام کی ذمہ داری ہے کہ وہ اپنے اس آئینی حق کا استعمال ضرور کریں۔
خاتون سویپ آئیکان نے کہا کہ خواتین کے زیادہ ووٹ نہ ڈالنے کے کئی وجوہات ہیں۔ ان تمام مسائل پر انہیں بیدار کرکے ان کی ووٹنگ شرح بڑھانے کی مکمل کوشش کی جائے گی۔
وہیں دیویانگ سویپ آئیکان ناگیش پٹیل نے کہا کہ امسال دیویانگ ووٹرس کے لئے زیادہ سہولیات ہونے کی وجہ سے دیویانگ ووٹنگ شرح میں کافی اضافہ ہو نئے کا اندیشہ ہے۔
