بارہ بنکی میں چل رہے سرس میلے کی ایک تقریب میں شرکت کرنے آئے سریش پاسی سے جب ای ٹی وی بھارت نے سوال کیا کہ ضلع میں گنا کی کاشت کا رقبہ تیزی سے کم ہوتا جا رہا ہے۔ کسانوں کو دوبارہ اس جانب لانے کے لئے حکومت کی کیا اسکیم ہے؟ سریش پاسی نے جواب میں گزشتہ حکومتوں پر تنقید کی۔ انہوں نے کہا گزشتہ حکومتوں کی وجہ سے گنا کسانوں کی حالت بہت خراب ہوئی ہے۔
انہوں نے بتایا کہ جب سے بی جے پی کی حکومت بنی ہے ہم بند شوگر ملز کو کھلوا رہے ہیں۔ انہوں نے بتایا کہ اب تک ہم تین چینی ملز کھلوا چکے ہیں۔ بارہ بنکی میں بھی شگر ملیں بند ہیں۔ ہم اور یہاں کے رکن اسمبلی مسلسل اس سمت کوشاں ہیں کہ بند چینی ملز کو کھلوایا جائے۔
انہوں نے کہا کہ بارہ بنکی میں شوگر مل کھلنے سے اطراف کے اضلاع کو بھی فائدہ ہوگا۔ تاہم انہوں نے کوئی مقررہ وقت نہیں بتایا لیکن اس بات کی یقین دہانی ضرور کرائی کہ ضلع کی شوگر ملز کھلوائی ضرور جائیں گی۔
