ریاست اترپردیش کے ضلع ہردوئی میں کچھ لوگوں نے مندر میں گھس کر شیولنگ کو توڑ دیا، اور مندر کو نقصان پہنچایا ہے
مقامی لوگوں کا کہنا ہے کہ اس مندر میں کافی دنوں سے مقیم ایک شخص کو جگہ خالی کرنے کو کہا جا رہا تھا، لیکن خالی نہ کیے جانے کی صورت میں اس شخص کو ساز وسامان کے ساتھ باہر نکال دیا گیا تھا، جس کے بعد یہ سارا معاملہ سامنے آیا ہے ۔
اسی معاملے کے متعلق ایس پی آلوک پریدرشی کا کہنا ہے کہ گذشتہ رات کچھ لوگوں کو مندر کے عقبی حصہ میں بیٹھ کر میٹنگ کرتے دیکھا گیاتھا، جس کے بعد یہ سارا واقعہ سامنے آیا ہے، ان میں سے کچھ لوگوں کو گرفتار بھی کر لیا گیا ہے، بقیہ اور لوگوں کی تلاشی جاری ہے۔
اس معاملے کے پیش نظر ہندو برادری میں کافی ناراضگی دیکھنے کو مل رہی ہے، لوگوں کے احساسات کو دیکھتے ہوئے پولیس نے ان لوگوں کے خلاف مقدمہ بھی درج کرلیا ہے۔
واقعے کی خبر جیسے ہی شہر کے لوگوں کو لگی سینکڑوں لوگ موقع پر پہنچ گئے، اس واقعےکے بعد ہندو برادری میں خاصی ناراضگی ہے، اور وہ ان ملزمین کے خلاف سخت سے سخت ایکشن کی ڈیمانڈ کر رہے ہیں۔
