ضلع بارہ بنکی میں کانگریس کے ضلع صدر سکندر عباس رضوی نے بلاک کے اورنگ آباد گاؤں میں منعقد نوکری سمواد سے خطاب کرتے ہوئے کہا کہ گزشتہ تین دہائیوں کی ریاست کی غیر کانگریسی حکومتوں نے صنعت اور کاروبار کو بند کر کے نوجوانوں کو بیروزگار بنانے کا کام کیا ہے، ملک کو مضبوط اور آتم نربھر بنانے کا خواب اسی وقت مکمل ہوگا جب کانگریس پارٹی کی ریاست میں واپسی ہوگی۔
سکندر عباس رضوی نے مزید کہا کہ نوکری سمواد کے ذریعہ کانگریس نوجوانوں سے گفتگو کر رہی ہے اور ان کی پریشانیوں کو جاننے کی کوشش کر رہی ہے، کانگریس ان پریشانیوں کا حل نکالے گی اور نوجوانوں کو ان کا حق دلائے گی۔