حق تعلیم کے تحت پرائیویٹ اسکولوں میں غریب اور بے سہارا کنبوں کے بچوں کے لئے ریزرو 25 فیصدی سیٹوں پر داخلے کے لئے ریاست اتر پردیش کے بارہ بنکی میں سماجی تنظیم امبیڈکر شکشا سیوا سنستھان کے زیر اہتمام خصوصی کیمپ کا اہتمام کیا گیا۔
اس کیمپ میں غریب عوام کو اس قانون کے تئیں بیدار کیا گیا اور ریزرو سیٹوں پر داخلے کے لئے آن لائن رجسٹریشن بھی کئے گئے۔
شہر کے پیر بٹاون واقع سنتوشی ماتا مندر کے پاس کی ملن بستی میں لگائے گئے اس کیمپ میں والدین کو اس قانون کے تحت بیدار کرتے ہوئے سیکڑوں کی تعداد میں داخلے کے لئے رجسٹریشن کئے گئے۔
رجسٹریشن کے بعد محکمہ بیسک تعلیم لاٹری کے ذریعہ ان بچوں کو اسکول الاٹ کرے گا، جہاں وہ مفت تعلیم آر ٹی ای کے تحت حاصل کر سکیں گے۔
امبیڈکر شکشا سیوا سنستھان کا رواں برس میں یہ دوسرا کیمپ ہے۔ تنظیم کے عہدیدار نے بتایا کہ یہ تنظیم تمام تعطیل کے دنوں میں الگ الگ محلے میں یہ کیمپ منعقد کراتی رہے گی، تاکہ زیادہ سے زیادہ غریب اور بے سہارا کنبوں کے بچوں کو اس قانوں کے تحت مفت تعلیم حاصل کرائی جا سکے۔
تنظیم کے ریاستی صدر مہیندر ناتھ بالمکی نے بتایا کہ اس کوشش کے باوجود تمام بچوں کو اس قانون کا فائیدہ نہیں مل پاتا ہے، تنظیم ان کے لئے جدوجہد بھی کرتی ہے۔
