اترپردیش کے ضلع بستی کے ہریا علاقے میں ایک تیز رفتار ٹرک کی زد میں آنے سے پیدل جارہے تین مزدوروں کی موت ہوگئی جبکہ دیگر دو مزدور زخمی ہوگئے۔
پولیس ذرائع نے جمعرات کو بتایا کہ بستی۔ ایودھیا قومی شاہراہ پر بدھ کی دیر رات یہ حادثہ اس وقت پیش آیا جب مزدور پیدل اپنے گھر لوٹ رہے تھے۔
مہاراج گنج بازار کے سامنے بے قابو ٹرک نے پانچ مزدوروں کو کچل دیا، اس حادثے میں کنک رام (27) للن (26) اور گڈو (28) کی موقع پر ہی موت ہوگئی جبکہ وکاس (26) اور جنگ بہادر (28) کو نازک حالت میں بستی ضلع اسپتال میں داخل کرایا گیا ہے، حادثے کے بعد ڈرائیور ٹرک لے کر فرار ہوگیا۔
انہوں نے بتایا کہ سبھی ہلاک شدگان مہاراج گنج کے رہنےو الے ہیں۔ پولیس نے معاملے درج کر کے ٹرک ڈرائیور کی تلاش شروع کردی ہے۔
