وزیراعظم مفت اناج تقسیم پروگرام کے تحت جہاں وزیر اعظم نریدر مودی نے مستحق افراد سے ویڈیو کانفرنسنگ کے ذریعہ طویل خطاب کرکے اپنی حکومت کی حصولیابیوں کو گنایا اور سامعین کو اپنے کاموں سے مطمئن کرنے کی کوشش کی۔ وہیں جب مستحق افراد جن میں بڑی تعداد میں خواتین موجود تھیں، جو شدید گرمی میں کئی گھنٹوں سے پروگرام میں بیٹھ کر اپنا راشن حاصل کرنے کا انتظار کر رہی تھی لیکن اکثر افراد کو جب وہاں اناج نہیں ملا تو وہاں لوگوں نے اپنی شدید ناراضگی کا اظہار کیا۔
یہ بھی پڑھیں:آل انڈیا مسلم فیڈریشن کےجنرل سیکریٹری سےخصوصی بات چیت
اناج سے محروم افراد کی ناراضگی کو دیکھ کر اس بات کا اندازہ لگایا جاسکتا ہے کہ کس طرح سے حکومت اور اس کی مشینری عوام کی فلاح و بہبود کے لئے کام کرنے کے دعوے کر رہی ہے، اس کی زمینی حقیقت کیا ہے۔
ساتھ ہی جن لوگوں کو یہاں اناج نہیں دیا گیا ہے ان کے متعلق یہ بھی بتانے کی کوشش کی گئی کہ وہ راشن کارڈ ہولڈر نہیں ہیں۔ اس لئے انھیں اناج نہیں دیا گیا۔ اگر یہ سچ بھی ہے تو سوال ہے کہ پھر ایسے افراد کو شدید گرمی میں کس وجہ سے یہاں بٹھایا گیا تھا۔؟
