محترمہ واڈرا نے منگل کو اپنے ایک ٹوئٹ میں لکھا کہ' اترپردیش کے کسان بے حد پریشان ہیں۔ دھان کی خرید بہت کم ہورہی ہے جو تھوڑی سی خرید ہورہی ہے اس میں 1 ہزار 200 روپے سے بھی کم کا ریٹ مل رہا ہے۔ یہی دھان کانگریس حکومت میں 3 ہزار 500روپئے فی کوئنٹل تک خریدا گیا تھا۔ نمی کے نام پر کسانوں کا استحصال کیا جارہا ہے۔ شائد پہلی بار ایسا ہے کہ دھان۔گیہوں سے سستا بک رہا ہے۔
مزید پڑھیں:
ہاتھرس گینگ ریپ متاثرہ خاندان لکھنؤ سے واپس آگیا
انہوں نے کہاکہ' ایسے میں تو کسان کے اخراجات بھی نہیں نکلیں گے۔ کسان اگلی فصل کیسے لگائے گا۔ بجلی بل میں لوٹ چل ہی رہی ہے۔ مجبورا کسان قرض کے جال میں پھنستا جائےگا۔محترمہ واڈرا نے مطالبہ کیا کہ ریاستی حکومت فورا اس میں مداخلت کرے اور کسانوں کی صحیح قیمت دلائے بصورت دیگر کانگریس پارٹی تحریک چلائے گی۔
