بارہ بنکی کے نگر پالیکا آڈیٹوریم میں فوٹوگرافر ایسوسی ایشن کے اجلاس میں شامل ہوئے کارکنان کو سرٹیفیکٹ بھی تقسیم کیے گئے۔
اجلاس میں شرکت کے لیے ضلع سے آئے تمام فوٹوگرافرز کے لیے خصوصی ورکشاپ کا بھی اہتمام کیا گیا جس میں انہیں جدید ٹیکنالوجی سے لیس کیمروں کی باریکیوں کی ٹریننگ دی گئی۔
اجلاس میں مختلف کیمروں اور فوٹوگرافی سے متعلق سامان کی نمائش کا بھی انعقاد کیا گیا۔
فوٹوگرافر ایسوسی ایشن کے ریاستی صدر دنیش ورما نے تمام فوٹوگرافرس کو مختلف ہدایت دیتے ہوئے کہا کہ تنظیم میں مختلف طرح کے لوگ ہوتے ہیں لیکن آپ لوگ کبھی بھی تنظیم کے خلاف نہ چلیں۔
انھوں نے مزید کہا کہ جدید ٹکنالوجی کے آنے سے فوٹوگرافروں کو متعدد مسائل پیش آتے ہیں جس کے لیے ہمیں ورکشاپ کرانا پڑتا ہے۔