راجیش کمار کی جگہ ابھیشیک گریٹر نوئیڈا کے ڈی سی پی مقرر

نوئیڈا کے کرائم برانچ میں ڈی سی پی کی حیثیت سے خدمات انجام دینے والے ابھیشیک کو نوئیڈا کے ڈی سی پی کا اضافی جارج دیا گیا ہے۔

گریٹر نوئیڈا کے ڈی سی پی راجیش کمار سنگھ کے تبادلے کے بعد اب ضلع کے ڈی سی پی کرائم ابھیشیک کو گریٹر نوئیڈا ڈی سی پی کی ذمہ داری سونپی گئی ہے۔

ابھیشیک ابھی تک گوتم بودھ نگر کے ڈی سی پی کرائم کی ذمہ داری نبھا رہے تھے۔ اب انہیں گریٹر نوئیڈا کے ڈی سی پی کا اضافی چارج دیا گیا ہے۔ پیر کو ہی ڈی سی پی راجیش کمار سنگھ کا تبادلہ ہوا ہے۔

اترپردیش حکومت نے 3 آئی پی ایس افسران کا تبادلہ کیا تھا۔ ان میں گریٹر نوئیڈا کے پولیس ڈپٹی کمشنر راجیش کمار سنگھ بھی شامل ہیں۔ راجیش کمار سنگھ کو فتح پور منتقل کیا گیا ہے۔ انہیں فتح پور کے سپرنٹنڈنٹ پولیس کی حیثیت سے بھیجا گیا ہے۔ اس کے علاوہ آئی پی ایس افسران ستپال اور آکاش تومر کا بھی تبادلہ کیا گیا ہے۔