جمعیت علماء مغربی یوپی کے سکریٹری قاری ذاکر حسین کے ذریعے ضلعی سطح پر جمعیت یوتھ کلب کے نوجوانوں کے اینٹی کورونا گروپ بنائے گئے ہیں جو اپنے اپنے علاقوں میں اس عالمی وباء سے بچاؤ کے لئے جدو جہد کر رہے ہیں۔
مظفر نگر: جمعیت یوتھ کلب نے گلی محلوں کو سینیٹائز کیا
جس کے تحت آج اینٹی کورونا گروپ جمعیت یوتھ کلب موضع بہاری کے نوجوانوں نے اپنے گاؤں اور اطراف کی سبھی مسجدوں، مندروں، اسکولوں اور گلی محلوں کو سینیٹائز کیا جس پر عوام نے جمعیت یوتھ کلب کے نوجوانوں کی کارکردگی پر خوشی کا اظہار کیا اور جمعیتہ یوتھ کلب کے نوجوانوں سے اپنے اپنے گاؤں کو سینیٹائز کرنے کی اپیل کی۔
اس موقع پر حافظ محمد عارف، قاری محمد عثمان، محمد ظریف، جمعیت یوتھ کلب کے نوجوان محمد حسین، محمد آصف، محمد عادل، محمد انس، محمد شامل، محمد کامل وغیرہ موجود رہے۔
