سماجوادی پارٹی کے ضلع صدر حافظ ایاز احمد کی قیادت میں سماجوادی پارٹی کے 5 رکنی وفد نے پولیس سپریٹینڈنٹ سے ملاقات کی اس کے بعد حافظ ایاز نے صحافیوں سے بتایا کہ اس معاملے میں بے قصور لوگوں کو بھی پریشان کیا جا رہا ہے جس کی وجہ سے عوام میں خوف ہے۔
خوف کی وجہ سے یہاں کے لوگ نقل مکانی کرنے پر مجبور ہورہے ہیں، انہوں نے بتایا کہ ایس پی نے یقین دہانی کرائی ہے کہ کسی بھی بے قصور کو پریشان نہیں کیا جائے گا حافظ ایاز نے بتایا کہ' اس معاملے میں آگے کی منصوبہ بندی 27 مارچ کے بعد طے کی جائے گی۔
واضح رہے کہ رام سنیہی گھاٹ تحصیل کے احاطے میں واقع مسجد غریب نواز کے متولی کو تقریبآ ایک ہفتے قبل نوٹس بھیج کر ہائی کورٹ کے حوالہ دے کر اسے ہٹانے کو کہا گیا تھا۔ اس کے کچھ روز بعد ہی مسجد میں نماز پر پابندی عائد کر دی گئی تھی اور مسجد کے چاروں جانب بیریکیٹنگ لگا کر مسجد کے راستے پر دیوار کھڑی کر دی گئی تھی گزشتہ جمعہ کو مسجد کو منہدم کرانے کی افواہ میں تحصیل پر پتھربازی بھی ہوئی تھی۔ جس میں سکیورٹی فورسیز کو بھیڑ پر قابو پانے کے لئے آنسو گیس کے گولے بھی داغنے پڑے تھے۔
