اس ضلع میں جہاں پر کورونا ابھی تک مصیبت بنا ہوا ہے، اب ان کی کاشت کاری پر ٹڈیوں کا حملہ ہونے لگا ہے۔ اس تعلق سے کسان بہت خوفزدہ ہیں۔
ضلع کے 21 بلاکس میں سے نصف سے زیادہ میں ٹڈیوں کا حملہ ہو چکا ہے۔ کسان اپنی فصلوں کو لیکر پریشان ہیں۔ اسی دوران ، جہاں ضلع کا محکمہ زراعت کسانوں کو ٹڈیوں کے اس حملے سے بچانے کے لیے اقدامات کرنے کی کوشش میں لگا ہے وہیں کسان کھیتوں میں تھالی پیٹنے اور آواز کے آلات بجا کر ٹڈیوں کو بھگانے کی کوشش کر رہے ہیں۔
لاک ڈاؤن کے دوران کاشتکاروں کو سبزیوں کی کاشت میں بڑا نقصان ہوا۔ اس کی تلافی کے لیے جون پور میں کاشتکاروں نے بڑے پیمانے پر مکئی کی کاشت کی ہے کیونکہ ضلع کو بھی مکئی کی کاشت کے لیے ہی جانا جاتا ہے۔ لہذا اس بار کسانوں کو مکئی کی فصل سے لاک ڈاؤن میں ہونے والے نقصان کی تلافی کی توقع کی جارہی تھی لیکن اب ٹڈیوں کے حملے کے بعد کسان خوفزدہ نظر آ رہے ہیں۔
