ریاست اترپردیش کے دارالحکومت لکھنؤ میں بھوجپوری سپرسٹار نِرہوا کی فلم 'جان لیبو کا' کی شوٹنگ ہے۔
اسی ضمن میں ای ٹی وی بھارت نے فلم کے آرٹسٹ دنیش یادو عرف نِرہوا کے ساتھ اپنی فلم سمیت کسانوں کی تحریک کے بارے میں بھی بات کی، آیئے انہیں کی زبانی ان سے سنتے ہیں کہ آخر انہوں نے کیا کہا۔
واضح رہے کہ آج کل بھوجپوری نِرہوا کی فلم 'جان لیبو کا' کی شوٹنگ شیو گڑھ کے راجا کی کوٹھی میں چل رہی ہے۔
واضح رہے کہ فلموں کے علاوہ نِرہوا نے سیاست میں بھی زورآزمائی کی ہے، اسی ضمن میں ای ٹی وی بھارت نے دنیش یادو عرف نِرہوا سے متعدد امور پر بات کی۔
واضح رہے کہ دنیش لال یادو عرف نروہوا نے بی جے پی کے ٹکٹ پر اکھلیش یادو کے خلاف اعظم گڑھ سے لوک سبھا کا انتخاب لڑا تھا لیکن ناکام رہے۔
نِرہوا نے بتایا کہ وہ اپنی آنے والی نئی بھوجپوری فلم 'جان لے بو کا' کی شوٹنگ کے لیے آئے ہیں۔
نِرہوا نے کسانوں کی تحریک کے بارے میں بات کرتے ہوئے کہا کہ 26 جنوری کو جو کچھ ہوا ہے وہ نا قابل برداشت ہے۔
انہوں نے کہا کہ جس طرح لال قلعے کی فصیل پر دوسرا پرچم لہرایا گیا اور جن لوگوں نے یہ کام کیا ہے وہ کسان نہیں ہوسکتے، کیونکہ کسان کبھی تشدد نہیں کرتے۔
انہوں نے کہا کہ کسانوں کے نام پر کچھ شرپسند عناصر نے 26 جنوری کو ٹریکٹر پریڈ اور کسانوں کی تحریک کو بدنام کرنے کی کوشش کی تھی۔
