ریاست اتر پردیش کے بارہ بنکی ضلع میں کے ڈی سنگھ بابو اسٹیڈیم میں لاک ڈاؤن کے بعد رفتہ رفتہ کھیل سرگرمیوں نے زور پکڑنا شروع کر دیا ہے۔ جمعہ کو یہاں محکمہ نوجوان بہبود علاقائی ترقیاتی دَل کی جانب سے دو روزہ ضلع سطحی دیہی کھیل مقابلے کا افتتاح ہوا۔
دیہی کھیل مقابلے میں اتھلیٹکس، والی بال، کبڈی اور وزن اٹھانے کے مقابلے ہوں گے، جن میں 200 سے زیادہ لڑکے اور لڑکیاں اپنے کھیل کا مظاہرہ کریں گے۔
ضلع سطحی مقابلے میں تحصیل سطحی مقابلوں کے فاتح کھلاڑی حصہ لے رہے ہیں، یہاں سے کامیاب ہونے والے کھلاڑی ڈویژنل مقابلہ کے لئے منتخب ہوں گے۔
لاک ڈاؤن کے بعد پہلی دفعہ اسٹیڈیم میں ہو رہے اس مقابلے میں حصہ لینے والے کھلاڑی جوش سے لبریز نظر آئے۔ انہوں نے اپنے کھیل کے مظاہرے سے وہاں موجود کھیل شائقین کو متاثر کیا۔
مقابلے میں حصہ لینے والے کھلاڑیوں نے جہاں اپنے لئے بہتر تیاری کے ذرائع موصول کرانے کا مطالبہ کیا، وہیں کھیل کے شائقین نے امید ظاہر کی کہ اب کورونا وائرس کا خوف ختم ہونے کے بعد اچھے کھیل مقابلے دیکھنے کا موقع ملے گا۔
