رامپور میں بھی کورونا کی ٹیکہ کاری کا آغاز

اترپردیش کے ضلع رامپور میں آج جب کورونا ٹیکاکاری کا آغاز ہوا تو سب سے پہلا ٹیکا ضلع ہستپال کے ڈاکٹر ہرونش کمار مترا کو لگا۔ اس طرح وہ ضلع کے پہلے ایسے شخص ہو گئے جنہیں سب سے پہلے کورونا ویکسین لگی۔

کورونا وائرس سے نجات کے لئے آج سے ملک میں ویکسنیشن کا باقاعدہ آغاز ہو گیا ہے۔ آج پہلے مرحلے میں کورونا کے ٹیکے طبی خدمات سے جڑے افراد کو لگائی گئیں۔ رامپور میں کورونا ویکسنیشن کا جب آغاز ہوا تو پہلی ویکسن رامپور ضلع ہسپتال میں اپنی طبی خدمات انجام دینے والے آرتھوپیڈک سرجن ڈاکٹر ہرونش کمار مترا کو لگائی گئی۔ اس طرح وہ ضلع کے پہلے ایسے شخص بن گئے جنہوں نے سب سے پہلے یہ ویکسین لگوائی۔

کورونا ویکسین لگوانے کے بعد ڈاکٹر ہرونش کمار مترا کافی پرجوش نظر آئے۔ ای ٹی وی بھارت سے اپنی مسرت کا اظہار کرتے ہوئے کہا کہ وہ کافی خوش ہیں کہ ضلع میں پہلی ویکسن ان کو لگی۔ انہوں نے کہا کہ میں تمام لوگوں کو پیغام دینا چاہتا ہوں کہ کورونا کے خاتمے کے لئے اس ویکسین کو ضرور لگوائیں۔

اس موقع پر دیگر ڈاکٹرز اور طبی عملے کے دیگر افراد نے بھی کورونا ویکسین لگوا کر اپنے خیالات کا اظہار کیا۔

واضح رہے کہ رامپور ضلع کے تین مقامات پر ٹیکاکاری کے مراکز بنائے گئے ہیں جہاں ہر مرکز پر صحتی خدمات سے وابستہ 100 افراد نے اپنی ٹیکاکاری کرائی۔ اس طرح آج ضلع میں 300 افراد کی ٹیکاکاری عمل میں آئی۔


ویکسنیشن کے مقام پر سوشل ڈسٹینسنگ کا اہتمام کرانے کے ساتھ ہی سکیورٹی کے بھی سخت انتظامات کئے گئے تھے۔ اس دوران کسی بھی شخص کو ویکسنیشن وارڈ میں جانے کی اجازت نہیں تھی۔ بہرحال آج کی ویکسنیشن کی یہ مہم کافی کامیاب مانی جا رہی ہے۔