در اصل حج کمیٹی آف انڈیا کی جانب سے کہا گیا ہے کہ حج 2020 سے متلعق سعودی حکام کے ساتھ کوئی بات چیت نہیں ہوئی ہے۔ اس پر حج کمیٹی آف انڈیا نے کہا کہ 'جو عازمین حج اپنے سفر کو منسوخ کرنا چاہتے ہیں، انہیں ادا کی گئی رقم کا سو فیصد واپس کیا جائے گا، عازمین حج کو اپنے سفر کو منسوخ کرنے کے لیے ایک فارم پر کرنا ہوگا۔
حالانکہ ابھی حج کی منسوخی کا کوئی اعلان نہیں ہوا ہے لیکن اس کے باوجود اس اعلان سے عازمین حج کو گہرا دھچکہ لگا ہے۔ عازمین حج کو رقم واپس لینے میں کوئی دلچسپی نہیں ہے۔ وہ چاہتے ہیں کہ اسی رقم سے انہیں رواں برس یہ آئیندہ موقع فراہم کیا جائے۔
قابل غور ہے کہ جمعہ کو حج کمیٹی کی ویب سائٹ پر ایک سرکلر جاری کیا گیا ہے۔ جس میں عازمین حج کو ان کی رقم واپس کرنے کی سہولت دی گئی ہے۔ اس کے بعد سے زیادہ تر عازمین حج میں مایوسی ہے۔
عازمین حج مایوس ضرور ہیں، لیکن انہیں ابھی بھی امید ہے وہ رواں برس حج کر سکیں گے۔ انہیں اپنی رقم کی پرواہ نہیں ہے۔ وہ چاہتے ہیں کہ حج کی نیت سے نکالی گئی رقم سے صرف حج ہی کرنا چاہتے ہیں۔ ان کا ماننا ہے کہ رقم ان کے ہاتھ آکر خرچ ہی ہو جائے گی۔
وہیں عالم دین کا کہنا ہے کہ رقم واپس لینے میں کوئی حرج نہیں ہے اور اس سے کسی قسم کا کوئی گناہ بھی نہیں پڑے گا مزید وہ اپنے رقم کو اپنے استعمال میں بھی لا سکتے ہیں'۔
