اترپردیش حکومت کی جانب سے نومبر میں گرونانک کی سال گرہ کے 550 برس پورے ہونے کے موقع پر یوپی پنجابی اکادمی کی جانب سے شری گرونانک سندیش یاترا نکالی جا رہی ہے۔ یہ پہلی یاترا ہے جو کانپور سے ایودھیا تک جائے گی۔
گرونانک یاترا بارہ بنکی پہنچی، شاندار استقبال
اس یاترا کی خاص بات یہ ہے کہ سکھوں کے مذہبی رہنما گرونانک نے اپنی زندگی میں جن مقامات کا دورہ کیا تھا، یہ یاترا ان مقامات سے گزر کر گرونانک جی کی تعلیمات اور ان کے پیغامات کو عام کرے گی۔
کانپور سے شروع ہوئی یہ یاترا آج بارہ بنکی پہنچی۔ یہاں اس یاترا کا مسلمانوں نے گرم جوشی کے ساتھ استقبال کیا اور سماجی ہم آہنگی کا ثبوت پیش کیا۔ یاترا گرودوارا تک پہنچنے کے بعد آیودھیا کے لیے روانہ ہو گئی۔
