اترپردیش میٹرو ریل کارپوریشن نے لوگوں کو اس طرح کے فراڈ سے خبردار کیا ہے۔ حالیہ سرکاری تقرریوں کی خبروں کا فائدہ اٹھا کر جعلساز لوگوں کو دھوکہ دے رہے ہیں۔
یوپی ایم آر سی کے ایم ڈی کمار کیشیو نے بتایا کہ ایسے لوگ یوپی میٹرو کی جعلی ویب سائٹ اور باضابطہ طور پر مقرر کردہ تقرری خط کے ذریعے گمراہ کررہے ہیں، کچھ ایسے معاملات ہیں جن میں میٹرو کے عہدے دار ہونے کا جھوٹا دعویٰ کرتے ہوئے عام لوگوں کو دھوکہ دیا گیا تھا اور بھرتی کا لالچ دے کر پیسہ بھی کمایا گیا، جعلسازوں نے جھوٹے اور جعلی لیٹر ہیڈس پر تقرری کے خطوط فراہم کیے اور بدلے میں رقم کا مطالبہ کیا گیا۔
ان کا کہنا تھا کہ یوپی ایم آر سی مستقل طور پر اس طرح کی جعلسازیوں سے بچنے کی درخواست کرتا رہا ہے اور یہ بتاتا رہا ہے کہ کارپوریشن میں تقرری اہلیت کی بنیاد پر ہوگی، لہذا ایسے معاملات سے بچنے کی کوشش کی جائے۔
کارپوریشن نے آگاہ کیا ہے کہ اگر کمپنی میں کوئی سرکاری تقرری ہوگی تو پھر اس کی مناسبت سے معلومات یا بھرتی امتحانات کے نتائج کی معلومات بھی کمپنی کی آفیشل ویب سائٹ www.upmetrorail.com پر دستیاب کردی جائیں گی۔
یو پی ایم آر سی نے سبھی سے خبردار رہنے کی اپیل کی ہے اور کمپنی کی سرکاری ویب سائٹ www.upmetrorail.com ، آفیشل فیس بک (https://www.facebook.com/OfficialUPMetro/) اور ٹویٹر (https://twitter.com/) رکھنے کی اپیل کی ہے۔
یو پی ایم آر سی نے مزید کہا ہے کہ اس کے علاوہ کسی اور ذریعہ سے حاصل ہونے والی معلومات پر اعتماد نہ کریں اور اگر کہیں بھی ایسا شبہ پایا جاتا ہے تو ہمیں بھی اس سے آگاہ کریں تاکہ کارروائی کی جاسکے۔
