دہلی سول ڈیفنس میں تعینات خاتون اہلکار کے ساتھ جنسی زیادتی اور اس کے بے رحمانہ قتل پر عوام میں غم و غصہ دیکھا جارہا ہے جب کہ دہلی سول ڈیفنس کے سابق اہلکار شریف الرحمٰن خاں نے بھی اس واقعہ پر اظہار افسوس کیا ہے۔ انہوں نے خاتون کے ساتھ ہوئی حیوانیت پر اپنی حیرانگی ظاہر کرتے ہوئے کہا کہ وہ خود سول ڈیفنس کے عہدے پر تعینات رہ چکے ہیں، وہ جانتے ہیں کہ کس طرح سے تمام اہلکار آپس میں بھائی چارہ سے رہتے ہیں۔ ایک خاتون اہلکار کے ساتھ اتنا ظلم ہونے کے باوجود سول ڈیفنس کے تقریباً 40 ہزار اہلکار خاموش تماشائی بنے ہوئے ہیں۔
دہلی سول ڈیفنس کے سابق اہلکار نے اس امید کا بھی اظہار کیا کہ متاثرہ خاتون کو انصاف دلانے میں عدلیہ کی جانب سے اہم کردار ادا کیا جائے گا قصورواروں کو کیفر کردار تک پہنچایا جائے گا۔
یہ بھی پڑھیں:رامپور: دہلی متاثرہ خاتون کے ساتھ انصاف کا مطالبہ
بہرحال اب دیکھنا یہ ہے کہ جس طرح سے متاثرہ کو انصاف دلانے کے لیے ملک بھر میں آوازیں بلند کی جارہی ہیں تو کیا متاثرہ کو انصاف ملے گا یا نہیں۔
