گورکھپور: ایک شخص میں کورونا کی تصدیق

کورونا وائرس سے پاک اضلاع میں شامل اترپردیش کے گورکھپور میں بھی کورونا وارئرس نے دستک دے دی ہے، اتوار کی رات موصول رپورٹ میں ایک شخص کے اندر کورونا وائرس کی تصدیق ہوئی ہے۔

آفیشیل ذرائع نے پیر کو یہاں بتایا کہ گوکھپور کے ارووا علاقے کے ہاٹا میں ایک 49 برس کے بزرگ شخص میں کورونا کی تصدیق ہوئی ہے وہ دہلی سے شوگر اور بلڈپریشر کا علاج کرا کر ایبولنس کے ذریعہ اتوار کو گورکھپور واپس آیا تھا۔ گھر آنے پر اس کی طبیعت زیادہ خراب ہونے پر اسے گورکھپور کے بابا راگھوداس میڈیکل کالج میں داخل کرایا گیا جہاں جانچ کے بعد کے اندراس کورونا وائرس کی تصدیق ہوئی ہے۔

گورکھپور ضلع میں کورونا وائرس کی تصدیق کے بعد دیر رات ضلع انتظامیہ میں ہلچل پیدا ہوگئی۔ انتظامیہ نے مستعدی کا مظاہرہ کرتے ہوئے مصدقہ مریض کے ساتھ آئے دیگر افراد کی تلاش شروع کردی ہے۔مریض کا علاج بابا راگھو داس میڈیکل کالج میں جاری ہے۔