ریاست اترپردیش کے ضلع سنبھل میں جمیعت علماء ہند کی جانب سے علماء کی ایک میٹنگ مدرسہ جامعہ اسلامیہ دارالامان میں منعقد کی گئی، جس میں بچوں کے اندر دوبارہ اسکولوں اور مدرسوں کی جانب راغب کرنے کے لیے کس طرح سے تیار کیا جائے ان اہم مسائل پر تبادلہ خیال کیا گیا۔
اجلاس میں علماء نے کہا کہ جدید تعلیم کے دور میں دینی تعلیم کے ساتھ ساتھ عصری تعلیم اور عصری تعلیم کے ساتھ ساتھ دینی تعلیم حاصل کرنا وقت کی ضرورت ہے۔
جمیعت علماء ہند کے رکن رحمت اللہ قاسمی نے کہا کہ لاک ڈاؤن کی وجہ سے جو تعلیم کا نقصان ہوا ہے اور جو بچے ابھی بھی گھر بیٹھے ہوئے ہیں، مدرسہ اور اسکول نہیں جارہے ہیں جمیعت علماء ہند ان بچوں کو گھر گھر جاکر تعلیم کے متعلق بیدار کرے گی اور ان کو مدارس و اسکولوں میں جانے کے لیے بیدار کرے گی۔
جمیعت علماء ہند سنبھل یونٹ عوام سے یہ اپیل کرتی ہے کہ لوگ اپنے بچوں کو اسکول جانے کے لیے راغب کریں، مولانا مفتی عثمان قاسمی نے کہا ہے کہ لاک ڈاؤن کی وجہ سے ابھی بھی بہت سے مدرسے بند ہیں، اس وجہ سے حکومت سے مطالبہ کرتے ہیں کہ مدرسوں کو کھولے جانے کی اجازت دی جائے اور جس سے کہ بچوں کی تعلیم کا نقصان نہ ہو، کئی مدرسوں میں تو بچوں کے امتحان لیے بغیر ہی پرموٹ کر دیا گیا ہے۔
