ریاست اترپردیش کے دارالحکومت لکھنؤ میں یہ واقعہ پیش آیا ہے، ڈاکٹر کو گولی لگنے کے بعد کے جی ایم یو کے ٹرامہ سینٹر لے جایا گیا، جہاں اب اس کا علاج کیا جا رہا ہے۔
ڈاکٹر وی کے سنگھ ششانت گالف علاقے میں تھے کہ اس بیچ کچھ لٹیرے آئے اور انہیں گولی مار کران کی گاڑی لے کر فرار ہو گئے۔
پولیس نے بتایا 'یہ حادثہ تب پیش آیا جب وی کے سنگھ اپنے بھائی کے گاوں کھیرا سے ششانت گولف میں اپنے گھر کی طرف جارہے تھے'۔
وی کے سنگھ کنگ جارج میڈکل یونیورسٹی میں میڈسن ڈیپارٹمینٹ میں کام کرتے ہیں۔
پولیس نے بتایا 'دو حملہ آوروں نے وی کے سنگھ کی گاڑی رکواوئی اور انہیں گاڑی سے باہر آنے کے لیے کہا، اس بیچ جب وی کے سنگھ نے منع کیا تو حملہ آوروں نے ان پر گولی چلائی اور گاڑی لے کر فرار ہو گئے'۔
پولیس نے مزید بتایا 'اس کے بعد زخمی حالت میں ڈاکٹر وی کے سنگھ کو کے جی ایم یو کے ٹرامہ سینٹر میں داخل کرایا گیا، جہاں اب انکا علاج جاری ہے اور اب وہ صحتیاب ہو رہے ہیں'۔
