بھارت کی عوام عالمی وبا سے نمٹنے کے لئے ویکسین کے منتظر ہیں، وہیں ریاست اترپردیش میں ہاٹ اسپاٹ کی تعداد میں معمولی اضافہ ریکارڈ کیا گیا ہے۔ حکومت نے لوگوں کو مشورہ دیا ہے کہ وہ کووڈ 19 سے تحفظ کے لئے تمام اقدامات کریں اور غیر ضروری بھیڑ والی جگہوں پر جانے سے گریز کریں۔
ایڈیشنل چیف سکریٹری انفارمیشن نونیت سہگل نے صحافیوں کو بتایا کہ ریاست میں ہاٹ اسپاٹ کی تعداد میں اضافہ ہوا ہے۔ اس وقت پوری ریاست میں کنٹینمنٹ زون 8 ہزار 95 ہیں۔
مزید پڑھیں:
بنارس: گنگا میں کشتی پلٹی، دو افراد لاپتہ
انہوں نے عوام سے اپیل کی ہے کہ وہ کووڈ 19 کی ہدایات پر صد فیصد عمل کریں۔ اس وقت خصوصی احتیاط کی ضرورت ہے۔ انہوں نے کہا کہ ماسک پہنیں، ہاتھ دھوئیں، سماجی دوری برقرار رکھیں اور زیادہ بھیڑ بھاڑ سے دور رہیں۔ انہوں نے کہا کہ ریاست نے دو ریکارڈ قائم کئے ہیں، اترپردیش کووڈ-19 ٹیسٹ کے تعلق سے سب سے زیادہ ٹیسٹ کرنے والی ملک کی پہلی ریاست بن گئی ہے۔ اسی طرح کووڈ ۔19 انفیکشن سے متعلق معلومات سرویلنس ٹیم کے ذریعے 14 کروڑ سے زیادہ لوگوں سے حاصل کی گئیں ہیں۔
