ریاست اترپردیش کے ضلع بارہ بنکی میں کانگریس کارکنان نے بین الاقوامی بازاروں میں خام تیل کی قیمتوں میں کمی کے باوجود پیٹرول اور ڈیزل کی قیمتوں میں کمی نہ ہونے کے خلاف احتجاج کیا۔
انہوں نے وزیراعظم کو میمورنڈم دے کر پیٹرول اور ڈیزل کی قیمتوں میں کمی کا مطالبہ کیا ہے تاکہ اس کا فائدہ عوام کو مل سکے۔
احتجاج کے دوران کانگریس کارکنان، اپنے ہاتھوں میں پلے کارڈ اٹھاکر ضلع مجسٹریٹ کے دفتر پہنچ گئے جہاں انہوں نے مرکزی و ریاستی حکومت کے خلاف نعرے بازی کی۔
کانگریسی کارکنان نے وزیراعظم کے نام ایک میمورنڈم بھی دیا جس میں پیٹرول اور ڈیزل کی قیمتیں کم کرنے کا مطالبہ کیا گیا۔
اس دوران انہوں نے بے موسم بارش سے کسانوں کو ہوئے نقصان کا مناسب معاوضہ بھی دینے اور ہلاک کسانوں کے اہل خانہ کو 10-10 لاکھ روپے معاوضہ کے طور پر دینے کا بھی مطالبہ کیا۔
کانگریسی کارکنان حکومت کی جانب سے دیے جانے والی امداد سے مطمئین نہیں ہیں، انکا ماننا ہے کہ بارش سے کسان مکمل طور سے برباد ہو گیا ہے اس لیے کسانوں کا تمام قرض معاف ہونا چاہئے اور انہیں مزید معاوضہ بھی دیا جانا چاہئے۔
