بارہ بنکی : جشن ولادت مصطفیٰﷺ پر خون عطیہ کیمپ

بارہ بنکی میں 12 ربیع الاول کے موقع پر عالمی وباء کے پیش نظر قدیمی جلوس محمدیﷺ کے بجائے بزم رحمت کی جانب سے مریضوں کی عیادت کر کے انہیں پھل تقسیم کئے گیے اور بزم رحمت کے اراکین نے خون عطیہ کیا۔

ریاست اتر پردیش کے ضلع بارہ بنکی میں 12 ربیع الاول کے موقع پر ہر برس بزم رحمت کی جانب سے جلوس محمدیﷺ نکالا جاتا تھا۔ جلوس میں تمام مذاہب کے لوگ شرکت کرتے تھے۔ رواں برس عالمی وباء کے پیش نطر جلوس محمدیﷺ منسوخ کر دیا گیا ہے۔

اس لئے بزم رحمت کے اراکین نے 12 ربیع الاول کے موقع پر مریضوں کی عیادت کرنے کا فیصلہ لیا۔ اس کے پیش نظر بزم رحمت کے تمام اراکین جمعہ کی صبح ضلع ہسپتال پہنچے اور مریضوں کو پھل تقسیمِ کئے۔

سینکڑوں افراد نے اس مبارک موقع کی مناسبت سے خون عطیہ کیا بزم رحمت کے اراکین نے مہلک وبا سے نجات کے لیے دعائیں کیں۔