ریاست اتر پردیش کے بارہ بنکی میں سابق وزیراعظم اور بھارت رتن آنجہانی اٹل بہاری واجپئی کی سالگرہ کے موقع پر بی جے پی رکن راجا قاسم کی جانب سے خون کے عطیہ کیمپ کا انعقاد کیا گیا اور شجرکاری کے ذریعے اٹل بہاری واجپئی کے کو خراج تحسین پیش کیا گیا۔
واضح ہو کہ راجا قاسم گذشتہ 20 برسوں سے اٹل بہاری واجپئی کے یوم پیدائش کے موقع پر یہ پروگرام منعقد کررہے ہیں۔ راجا قاسم کی جانب سے تین روز تک خون کا عطیہ کیمپ لگایا جاتا ہے۔ جس میں ہندو اور مسلم دونوں خون کا عطیہ کرتے ہیں۔
رواں برس تین روز ہ کیمپ میں تقریباً 50 افراد نے خون کا عطیہ کیا ہے۔ جمعہ کو خون کا عطیہ کیمپ کے بعد بی جے پی کارکنان نے ضلع ہسپتال میں شجرکاری بھی کی۔
اس موقع پر راجا قاسم نے کہا کہ' اٹل بہاری واجپئی کی سالگرہ کے موقع پر بی جے پی کارکنان ان کے بتائے راستے پر چلنے کا عزم لیا ہے۔ انہوں نے کہا کہ ملک کے وزیراعظم نریندر مودی مسلمانوں کو تعلیم دینے اور ان کی ترقی کے لیے پر عزم ہیں'۔
انہوں نے کہا کہ مسلمان ملک پر بوجھ نہیں بننا چاہتا ہے۔ وہ مودی حکومت کے آتم نربھر بھارت کے نعرے کے تحت خود کفیل اور ملک کی ترقی میں حصہ دار بننا چاہتا ہے'۔
