ریاست اترپردیش کے ضلع بارہ بنکی میں بھیم آرمی نے بھارت ایکتا مشن کی جانب سے سنت گاڈگے کے یوم پیدائش کے موقع پر شہر کے پٹیل تراہے پر ایک تقریب کا اہتمام کیا جس میں بھارت بند، سی اےاے، این پی آر اور این آر سی کے خلاف بھی مظاہرہ کیا جارہا تھا۔
اس سالگرہ کی تقریب کی اجازت نہیں لیے جانے کی وجہ سے موقع پر پولیس پہنچ کر پروگرام کو بند کرانے کی کوشش کی اور کہا کہ پولیس سے بغیر اجازت عوامی جگہ پر تقریب منعقد نہیں کی جاسکتی ہے اور دفعہ 144 نافذ ہونے کا حوالہ بھی دیا۔
پولیس کے جانب سے پروگرام میںرخنہ ڈالنے کی وجہ سے پولیس اور بھیم آرمی کارکنان کے درمیان کافی دیر تک بحث مباحثہ ہوتا رہا۔
پولیس پروگرام کے مقام پر پہنچتے ہی وہاں موجود لوگوں کے نام لکھے اور ویڈیو گرافی بھی کرائی گئی۔ پولیس کو سنت گاڈگے اور پروموشن میں ریزرویشن کی حمایت میں مظاہرہ پر کوئی اعتراض نہیں تھا جبکہ پولیس کو سی اے اے، این آر سی اور این پی آر کے خلاف مظاہرہ سے اعتراض ضرور تھا، کافی دیر تک پولیس کی موجودگی میں بھیم آرمی کارکنان اپنی تقریب کرتے رہے لیکن بعد میں انتظامیہ کی جانب سے بھیجے گئے افسر کے ذریعہ صدر جمہوریہ کو متعدد مطالبات پر منحصر ایک میمورنڈم دیا گیا۔
