بابری مسجد انہدام کیس میں متعدد ملزمین کی پیشی

سپریم کورٹ نے بھلے ہی بابری مسجد متنازع معاملے میں ہندو فریق کے حق میں فیصلہ سنا دیا ہو لیکن 6 دسمبر 1992 کو بابری مسجد انہدام کیس میں آج سی بی آئی کورٹ میں سماعت ہو رہی ہے۔

اترپردیش کے دارالحکومت لکھنؤ میں سی بی آئی کورٹ میں آج بابری مسجد کیس میں سات لوگوں کی پیشی ہوئی۔ ان میں پون پانڈے، ونے کٹیار، رام ولاس ویدانتی، دھرم داس، وجے بہادر، سنتوش دوبے عدالت میں حاضر ہوئے اور اپنا بیان درج کرایا۔

عدالت میں پیش ہونے کے بعد ونے کٹیار نے کہا کہ جن لوگوں کو بلایا گیا تھا، وہ سبھی افراد آج عدالت کے سامنے پیش ہوئے ہیں۔ بابری مسجد کے انہدام کا معاملہ طویل عرصے سے چل رہا ہے لیکن عدالت جو بھی فیصلہ سنائے گی، ہمیں وہ منظور ہے۔

قابل ذکر ہے کہ تعزیرات ہند کی دفعہ 313 کے تحت سبھی ملزمین کی پیشی ہوئی ہے۔ اس کیس کے کلیدی ملزم و بی جے پی کے سینیئر رہنما مرلی منوہر جوشی، لال کرشن اڈوانی اور سادھوی ریتمبھرا آج سی بی آئی کورٹ میں پیش نہیں ہوئیں۔