ریاست اتر پردیش کے ضلع بارہ بنکی میں لڑکیوں کو حیض کے تئیں بیدار کرنے اور اس دوران صاف صفائی کا خاص خیال رکھنے کے لئے 'بینک آف انڈیا' نے روٹری کلب کے ساتھ مل کر بڑا قدم اٹھایا ہے۔
'بینک آف انڈیا' نے اپنے سی ایس آر فنڈ سے روٹری کلب کے ساتھ مل کر ضلع کے 20 اسکولوں کو سینیٹری پیڈ وینڈنگ مشین تقسیم کیا، جس میں پانچ روپے میں سینٹری پیڈ ملے گا۔
بارہ بنکی کے پٹیل گرلس ڈگری کالج میں خواتین کو بااختیار بنانے کے لئے گذشتہ روز انہیں ضروری سامان تقسیم کرنے کی تقریب کا انعقاد کیا گیا تھا۔
مزید پڑھیں:خدمت خلق کی منفرد مثال ڈاکٹر آر ایس سپائی
جس میں طالبات کو سلائی مشین اور سائیکل تقسیم کی گئیں، لیکن اس میں سب سے خاص 'سینیٹری پیڈ وینڈنگ مشین' تھا، جوضلع کے 20 اسکولوں کو دیا گیا۔
سینیٹری وینڈنگ مشین میں پانچ کا سکہ ڈال کر طالبات سینیٹری پیڈ حاصل کر سکیں گی، اس مشین میں ری فلنگ کا کام اسکول انتظامیہ کو سونپا گیا ہے۔
واضح رہے کہ روٹری کلب نے سماج اور صحت کے حلقے میں نمایاں کام کیا ہے، ملک ہی نہیں عالمی پیمانے پر بھی روٹری کلب پولیو ختم کرنے میں اہم کردار ادا کر رہا ہے۔
روٹری کلب اب لڑکیوں کی صحت کو درست کرنے اور وزیراعظم کے خواب کو پورا کرنے میں لگ گیا ہے۔
'روٹری کلب' اور 'بینک آف انڈیا' کے اس اقدام کی اسکول ٹیچرس بھی تعریف کر رہے ہیں۔
ان کا کہنا ہے کہ'اس سے نہ صرف لڑکیاں بیدار ہوں گی، بلکہ پرانے طریقوں کو چھوڑکر صحت مند بھی ہوں گی۔
