اترپردیش کے ضلع بدایوں کے دورے پر آئے جماعت اسلامی ہند Jamaat e Islaami Hind اترپردیش مغربی کے زونل صدر انجینئر احمد عزیز خان نے ای ٹی وی بھارت سے خصوصی بات چیت میں کہا کہ فرقہ پرست طاقتوں کو شکست دینے کےلیے سیکولر کردار کے حامل افراد کو متحد ہونا چاہئے۔
واضح رہے کہ تعلیم کے حوالے سے جماعت اسلامی ہند کا موقف پیش کرتے ہوئے انجینئر احمد عزیز کا کہنا تھا کہ تعلیمی منصوبہ جات پر مالی امداد کے لیے جماعت اسلامی کام کر رہی ہے اور سرکاری اسکیم کے ساتھ لوگوں کو جوڑنے کا کام بھی ہو رہا ہے انہوں نے کہا کہ ہمارے پاس ایسے انتظامات ہیں کہ کوئی بھی قابل بچہ تعلیم میں پیچھے نہیں رہے گا۔
