بارہ بنکی: تنخواہ نہ ملنے سے ناراض آشا ورکرس کا احتجاج

ریاست اتر پردیش کے بارہ بنکی میں آشا ورکرس نے تنخواہیں جاری کرنے کا مطالبہ کرتے ہوئے احتجاج کیا۔

آشا وکروں کا کہنا ہے کہ' کووڈ-19 کی دوسری لہر میں جان کو خطرے میں ڈال کر ڈیوٹی کرنے کرنے کے باوجود انہیں تین ماہ سے تنخواہ نہیں ملی ہے۔ اس سے ناراض آشا ورکرس نے کو سیول لائین واقع گاندھی بھون میں مہاتما گاندھی کے مجسمے کے سامنے احتجاج کیا۔ آشا ورکرس نے انتباہ کیا ہے کہ اگر 1 ماہ کے درمیان ان کے تمام بقائے ادا نہیں کیے گئے تو وہ بڑا احتجاج کریں گے'۔

احتجاج کر رہیں آشا ورکرس کا الزام ہےکہ کووڈ-19 کے اس دور میں ان سے مختلف قسم کے کام لیے جا رہے ہیں۔ لیکن اس کے باوجود انہیں تنخواہ نہیں دی جارہی ہے۔ ان کا یہ بھی الزام ہے کہ انہیں جب بھی رقم ادا کی جاتی ہے تو آدھی ہی رقم ادا کی جاتی ہے۔ ان کا الزام ہے ان کی تنخواہ سے متعلق مکمل جانکاری کہیں سے نہیں دی جاتی ہے۔'

ان کا کہنا ہے کہ مسلسل کام کرنے کے باوجود ان کو تنخواہ نہ ملنے سے ان کے کنبوں کو کافی مشکلات پیش آرہی ہیں۔

احتجاج کے بعد آشا ورکرس نے ضلع مجسٹریٹ کو میمورنڈم دیا ہے اور انتباہ کیا ہے کہ اگر ایک ماہ میں ان تنخواہ ادا نہیں کی گئی تو وہ بڑا احتجاج کرنے کو مجبور ہوں گے۔'