لکھنؤ میں ہو رہے اجلاس میں انہیں پارٹی کے سبھی رہنماؤں نے پارٹی کا قومی صدر مقرر کرنے کا اعلان کیا۔
قومی صدر منتخب ہونے کے بعد انوپریا پٹیل نے صحافیوں سے بات چیت کے دوران کہا کہ میں لیڈران اور کارکنان کا تہہ دل سے شکریہ ادا کرتی ہوں، جنہوں نے مجھے صدر منتخب کیا۔
انہوں نے کہا کہ اب میرے اوپر بڑی ذمہ داریاں آ گئی ہے اور میں امید کرتی ہوں کہ اپنی ذمہ داری کو بخوبی ادا کرنے کے ساتھ ہی پارٹی کو نئی مضبوطی دوں۔
انوپریا نے کہا کہ میری پوری کوشش ہو گی کہ ہم پارٹی کو اترپردیش میں ہی نہیں بلکہ ملک کے سبھی صوبوں میں پھیلا سکیں۔
انہوں نے کہا کہ ہماری پارٹی کا شروع سے ہی منصوبہ رہا ہے کہ ہم سماج کے دبے کچلے اور جنہیں حقوق سے محروم رکھا گیا ہے، ان کے لیے کام کرنا ہی ہمارا مقصد رہا ہے۔
پارٹی کے موجودہ قومی صدر آسیش پٹیل نے انوپریا پٹیل کو قومی صدر بنانے کا میمورینڈم پارٹی کے سامنے رکھا۔ اجلاس میں موجود اپنا دل کے موجود ایم ایل اے اور ایم پی نے سابق مرکزی منسٹر انوپریا کا خیرمقدم کیا۔
